ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅՈՒՆ

Արսեն Քարամյանը Մինսկում մասնակցում է ԱՊՀ երկրների երիտասարդության հարցերի խորհրդի հերթական նիստին

12 ապրիլ 2018
Ապրիլի 12-ին Բելառուսի մայրաքաղաք Մինսկում մեկնարկել է ԱՊՀ երկրների երիտասարդության հարցերի խորհրդի հերթական նիստը, որին մասնակցում են ՀՀ սպորտի և երիտասարդության հարցերի նախարարի տեղակալի պաշտոնակատար, ԱՊՀ երկրների երիտասարդության հարցերի խորհրդի անդամ Արսեն Քարամյանը և նախարարության «Երիտասարդական միջոցառումների իրականացման կենտրոն» պետական ոչ առևտրային կազմակերպության տնօրեն Դավիթ Հայրապետյանը։ 

Խորհրդի աշխատանքներին զուգահեռ ընթանում է նաև «100 գաղափար ԱՊՀ երկրների համար» ցուցահանդեսը, որի շրջանակներում ԱՊՀ մասնակից երկրների բազմաթիվ երիտասարդներ ներկայացնում են իրենց նորարական գաղափարները ու լուծումները հանրային կյանքի ամենատարբեր ոլորտների վերաբերյալ։ Միջոցառմանը Հայաստանի Հանրապետությունը ներկայացնում են «100 գաղափար Հայաստանի համար» հայաստանյան փուլի հաղթողները։
Ետ գնալ