- Անխտիր բոլոր մարզաձևերն էլ ՀՀ սպորտի և երիտասարդության հարցերի նախարարության ուշադրության կենտրոնում են, այդ թվում նաև ոչ օլիմպիական մարզաձևերը։ Ոչ մի մարզաձևի համար բացառություն չի արվում: Ֆեդերացիաները, լինելով ինքնուրույն հասարակական կազմակերպություններ, առաջնորդվում են իրենց կանոնադրությամբ, սակայն սերտորեն համագործակցում են ՀՀ սպորտի և երիտասարդության հարցերի նախարարության հետ:

- Պետական բյուջեից գումար է հատկացվում 32 մարզական ֆեդերացիաների: Այդ հատկացումները աջակցություն են պետության կողմից: Իսկ ֆեդերացիայի լիարժեք ֆինանսավորում պետք է ապահովի ֆեդերացիայի նախագահությունը՝ նախագահի ղեկավարությամբ: 

- ՀՀ սպորտի և երիտասարդության հարցերի նախարարությունը բնականաբար ակտիվ աշխատանք է ծավալում Հայաստանի Հանրապետության ողջ տարածքում՝ սերտորեն համագործակցելով ՀՀ տարածքային կառավարման և զարգացման նախարարության հետ: 

- 2015 թվականի դեկտեմբեր ամսին գործում է Իրինա Ռոդնինայի անվան սահադաշտը, որը մեծ խթան է հանդիսանում Հայաստանում գեղասահքի զարգացման համար: 

- ՀՀ պաշտպանության նախարարի և ՀՀ սպորտի և երիտասարդության հարցերի նախարարի 2010 թվականի համատեղ հրամանի համաձայն մարզական բարձր արդյունքներ գրանցած մարզիկներն իրենց ծառայությունն են անցնում ՀՀ պաշտպանության նախարարության N զորամասում (ԲԿՄԱ), որտեղից էլ գործուղվում են տվյալ մարզաձևի ֆեդերացիայի տրամադրության տակ՝ Եվրոպայի, աշխարհի առաջնություններին, միջազգային մրցաշարերին կամ այլ ստուգատեսային բարձրակարգ մրցումների մասնակցելու համար: 

- ՀՀ սպորտի և երիտասարդության հարցերի նախարարության պաշտոնական կայքի «Սպորտ» բաժնի «Մարզադպրոցներ» ենթաբաժնում տեղադրված են հանրապետության ամբողջ տարածքում գործող օլիմպիական և ոչ օլիմպիական մարզաձևերն ընդգրկող մարզադպրոցների տվյալները:

- ՀՀ հավաքական թիմերի (ներառյալ՝ հաշմանդամային սպորտը) կազմում օլիմպիական, պարալիմպիկ, սուրդլիմպիկ խաղերում, աշխարհի և Եվրոպայի առաջնություններում բարձր արդյունքների հասած մարզիկներին և նրանց մարզիչներին խրախուսելու և սպորտին պետական աջակցություն ցուցաբերելու նպատակով ՀՀ Նախագահի 2009 թվականի հունվարի 14-ի ՆԿ-1-Ն կարգադրության համաձայն հատկացվում է ՀՀ Նախագահի անվանական թոշակ։

- ՀՀ սպորտի և երիտասարդության հարցերի նախարարության խնդիրը երիտասարդական պետական քաղաքականության համակարգումն ու իրականացումն է: Ըստ այդմ՝ վերջին մի քանի տարիներին որպես սկզբունք որդեգրվել է փաստարկված քաղաքականության վարումը, հետազոտական աշխատանքների, ուսումնասիրությունների միջոցով իրական կարիքի վերհանումը և դրանց համապատասխան լուծումների առաջարկումը: 

- 2013 թվականից իրականացվող «Հայաստանի Հանրապետության տարվա երիտասարդական մայրաքաղաք» ծրագրի գլխավոր նպատակն է՝ 1) խթանել Հայաստանի Հանրապետության մարզերի համաչափ զարգացումը. 2) զարգացնել երիտասարդական նախաձեռնողականության, երիտասարդական քաղաքականության ոլորտում քաղաքների միջև բարեխիղճ և գործընկերային հարաբերությունները` ինչպես տեղական և հանրապետական, այնպես էլ միջազգային մակարդակում. 3) խրախուսել Հայաստանի Հանրապետության քաղաքային իշխանություններին՝ տեղական մակարդակում մշակելու երիտասարդական քաղաքականության իրականացման արդիական և արդյունավետ մոդել. 4) նպաստել մարզերում երիտասարդական կազմակերպությունների և ենթակառույցների զարգացմանը: Երիտասարդական մայրաքաղաքում են հիմնականում իրականացվում տվյալ տարվա երիտասարդական պետական քաղաքականության առանցքային ծրագրերը: Այս ծրագրի կայացումը, ըստ էության, վաղօրոք նախանշված մարզակենտրոն քաղաքականության իրականացման լավագույն վկայությունն է:

- «Մատչելի բնակարան երիտասարդ ընտանիքներին» պետական նպատակային ծրագրին սկիզբ է դրվել 2010 թվականի սկզբին։ Ընթացքում կատարվել են լրացումներ` հաշվի առնելով կիրառման ընթացքում ի հայտ եկած խնդիրները: 

- ՀՀ սպորտի և երիտասարդության հարցերի նախարարությունը 16-30 տարեկան երիտասարդներին որպես ուղևորության դրամաշնորհ է տրամադրում միայն ավիատոմսը: Ուղևորության դրամաշնորհ ստանալու համար միջոցառման մասնակիցները Նախարարություն դիմում պետք է ներկայացնեն Հայաստանի Հանրապետության սպորտի և երիտասարդության հարցերի նախարարի 2015 թվականի օգոստոսի 26-ի № 189-Ա/1 հրամանով հաստատված կարգին և դիմումի ձևին համապատասխան:

- ՀՀ սպորտի և երիտասարդության հարցերի նախարարի կողմից քաղաքացիների ընդունելությունը կատարվում է յուրաքանչյուր ամսվա վերջին ուրբաթ օրը: Քաղաքացիների ընդունելության կազմակերպման կարգին համապատասխան՝ քաղաքացիները նախապես գրանցվում են տեղեկատվության և հասարակայնության հետ կապերի բաժնում, իսկ ընդունելության օրվա և ժամի մասին նրանց տեղեկացվում է ընդունելության օրից առնվազն մեկ օր առաջ: